Գեներալներ Մանվելն ու Սեյրանը բոյկոտո՞ւմ են. մամուլ
««ժամանակի» տեղեկություններով, գեներալ-պատգամավորներ Մանվել Գրիգորյանն ու Սեյրան Սարոյանը «բոյկոտում» են պաշտպանության, ազգային անվտանգության և ներքին գործերի հարցերի հանձնաժողովի աշխատանքները: Հանձնաժողովի նախագահ Կորյուն Նահապետյանից երեկ «ժամանակը» հետաքրքրվեց, թե նա ինչ քայլեր է պատրաստվում ձեռնարկել:
«Ի՞նչ պատժի միջոցների մասին է խոսքը: Նախատեսված է Կանոնակարգով հանձնաժողովի նախագահը ինչ քայլեր է ձեռնարկում: Ձեր տեղեկությունը չի համապատասխանում իրականությանը»: Մեր հստակեցմանը, թե ցանկանում ենք պարզել` ի՞նչ քայլեր է ձեռնարկելու, պատասխանեց.
«Այն քայլերը, որոնք նախատեսված են Աժ Կանոնակարգ-օրենքով: Դրա համար կան որոշակի մեխանիզմներ և դրա համար կան և կլինեն որոշակի գործողություններ` հւսմարժեք օրենքին»,- ասաց Նահապետյանը»,- գրում է «Ժամանակ» օրաթերթը:
