Սաշիկ Սարգսյանին հրահանգել են լքել Հայաստանը. մամուլ
«Չորրորդ Իշխանությունը» գրում է. « «ՉԻ» տեղեկություններով` Սաշիկ Սարգսյանը լքել է Հայաստանր, և հիմա նա գտնվում է Ամերիկայի Միացյալ Նահանգներում: Ըստ շրջանառվող լուրերի` Սերժ Սարգսյանն ինքն է հորդորել եղբորը այս լարված ժամանակաշրջանում լքել Հայաստանը` իրեն ավելորդ խնդիրների մեջ որևէ դեպքում չներքաշելու համար: Այսինքն` Սաշիկ Սարգսյանը իրականում գլխացավանք է եդբոր համար, և նա որոշել է եդբորը հեռու ուղարկել` խուսափելու նախագահական րնտրությանների շեմին եդբոր հետ կապված թեմաներից:
Ի դեպ` տարօրինակ է, որ Սաշիկ Սարգսյանին Միացյալ Նահանգները վիզա են տրամադրում, և թողնում են, որպեսզի վերջինս մուտք գործի իրենց երկիր: Հայաստանում բազմաթիվ օլիգարխներ, ինչպես նաև թաղային հեղինակություններ գրկված են այդ հնարավորությունից:
Օրինակ` տարիներ շարունակ ԱՄՆ դեսպանատուն դիմում և մերժում են ստանում օլիգարխներ Ռուբեն Հայրապետյանը, Սամվել Ալեքսանյանը, Լևոն Սարգսյանր` Ալրաղացի Լյովը, Աժ պատգամավոր Մհեր Սեդրակյանը և այլք: Համաձայնեք, որ թվարկված անձինք Սաշիկ Սարգսյանի համեմատությամբ հրեշտակներ են. այդ դեպքում` հարց է առաջանում` ինչպե՞ս է Սերժ Սարգսյանի եղբորը հաջողվում ստանալ Միացյալ Նահանգների մուտքի արտոնագիր»:
