Անկաշկանդ հռհռոց ու ծափեր` կառավարության անդամների ԱԺ սենյակից. մամուլ
««Բյուջե-2013»-ի քվեարկությունը կկայանա այսօր: Երեկ հայրենի կառավարությունն ապացուցեց, որ թքած ունի երկրի կարևորագույն ֆինանսական փաստաթղթի վրա:Երեկ Աժ-ում բյուջեի նախագծի քննարկման ժամանակ վարչապետ Տիգրան Սարգսյանն` իր շքախմբով, նիստի կեսից լքեց դահլիճը, այնտեղ թողնելով 2-3 նախարարի»,- գրում է «Հրապարակ» օրաթերթը և շարունակում.
«Եվ մինչ ընդդիմության ներկայացուցիչները կոկորդ պատռելով քննադատում էին նախագիծը, կառավարության անդամները զվարճանում էին ԱԺ-ի իրենց սենյակում, որտեղից անկաշկանդ հռհռոց ու ծափեր էին լսվում: Խումբը դահլիճ վերադարձավ, երբ հերթը հասավ վարչապետի ամփոփիչ ելույթին»:
