Սերժ Սարգսյանը Գագիկ Ծառուկյանին հորդորել է անընդհատ «չփախչել» իրավիճակից. մամուլ
«Վերջերս ԲՀԿ առաջնորդ Գագիկ Ծառուկյանն ու ՀՀԿ առաջնորդ Սերժ Սարգսյանը, համաձայն «Ժողովուրդի» տեղեկությունների, հանդիպել են: Ըստ նրանց մտերիմների շրջանում պտտվող խոսակցությունների, Սարգսյանը Ծառուկյանին ասել է, որ ինչ որոշում էլ կայացնի ԲՀԿ-ն նախագահական ընտրությունների մասով, ինքը դա նորմալ կընդունի, միայն թե «տղամարդավարի» անի այն, ինչ ասում է: Սարգսյանը հորդորել է անընդհատ «չփախչել» իրավիճակից ու լարվածություն չստեղծել»,- գրում է «Ժողովուրդ» օրաթերթն ու հավելում.
«Երեկ զրուցեցինք Աժ փոխխոսնակ Էդուարդ Շարմազանովի հետ` պարզելու, թե Սարգսյանն ու Ծառուկյանը երբ են վերջին անգամ հանդիպում ունեցել: «Տեղյակ չեմ անկեղծ ասած, ես տեղյակ չեմ իրենց առանձնազրույցից, բայց տեղյակ եմ մի բանից, որ անկախ այն բանից, թե պարոն Ծառուկյանն ինչ որոշում կկայացնի, Սերժ Սարգսյանը հաղթելու է մի այլ ձև»,- վստահեցրեց ՀՀԿ մամլո խոսնակը` չմանրամասնելով, թե «մի այլ ձև» ասվածը որն է»:
