ԱՄՆ Սենատը Պենտագոնին արգելել է առևտուր անել «Рособоронэкспорт»-ի հետ
Ամերիկյան Սենատն ուրբաթ օրը լրացումներ է կատարել երկրի ռազմական բյուջում, որոնց համաձայն, Պենտագոնին արգելվում է զենք և զինամթերք գնել ՌԴ խոշորագույն զենք արտահանող ընկերությունից՝ «Рособоронэкспорт»-ից։
Ինչպես նշվում է Foreign Policy-ի կայքում, արգելքը տարածվում է նաև Աֆղանստանում ռազմական գործողությունների համար օգտագործվող ուղղաթիռների վրա։
Լրացումներն ընդունվել են միաձայն։
Նման որոշման պատճառ է հանդիսացել այն, որ Ռուսաստանը զենք է մատակարարում Սիրիայի նախագահ Բաշար Ասադի ռեժիմին։ Նախաձեռնության հեղինակ սենատորները հայտարարել են, որ չեն ցանկանում, որպեսզի ամերիկյան հարկատուների փողերը, թեկուզ անուղղակիորեն, ծախսվեն Սիրիայի բնակիչների սպանությունների վրա։
