Ոստիկանության մեսիջը` Գագիկ Ծառուկյանին. մամուլ
«Վերջին շրջանում ոստիկանության կայքում կարելի է հանդիպել տասնյակ տարիների վաղեմության հանցագործությունների բացահայտումների՝ սպանություններից մինչև գողության բացահայտում, ինչն ուղղակի զավեշտալի է:
Օրերս էլ գրվեց, որ հայրենի ոստիկանները 22 տարի անց գտել են «Մոսկվիչ» մակնիշի մի մեքենայի անվադողերի գողին: Սակայն, պարզվում է՝ հնամենի հանցագործությունների բացահայտումները քաղաքական նպատակ ունեն: Դրանք, այսպես ասած, նախազգուշական մեսիջներ են՝ ուղղված ակտիվացած քաղաքական ուժերին: Հասկացնում են, որ կարող են ջրի երես դուրս գալ վաղուց մոռացված քրգործեր: Իսկ «Մոսկվիչի» պարագայում մեսիջն ուղղված էր Գագիկ Ծառուկյանին, ով 90-ականներին մեքենաների պահեստամասերի ներկրմամբ է զբաղվել»,- գրում է «Հրապարակ» օրաթերթը:
