Հայաստանն ու Հորդանանը կհամագործակցեն
Հայաստանն ու Հորդանանը մշակույթի ոլորտում համագործակցության վերաբերյալ համաձայնագիր են ստորագրել: Փաստաթուղթն այսօր` հունիսի 28-ին, ստորագրել են Հորդանանի եւ Հայաստանի մշակույթի նախարարներ Սալահ Ջարարն ու Հասմիկ Պողոսյանը:
Փաստաթղթի համաձայն, կողմերը կհամագործակցեն մշակութային ցուցահանդեսների անցկացման, դերասանների, գրողների, բանաստեղծների ու երաժիշտների փոխադարձ այցելությունների կազմակերպման հարցերում:
Կողմերը տեղեկատվություն կփոխանակեն թանգարանների, գրադարանների եւ արխիվների մասին, ինչպես նաեւ կխթանեն մշակութային ոլորտում կոնֆերանսների, սեմինարների ու կրթական դասընթացների անցկացումը:
