Microsoft-ը պատրաստվում է նոր պլանշետային համակարգիչ ներկայացնել
Ծրագրային ապահովման արտադրությամբ զբաղվող Microsoft ընկերությունն այսօր Լոս Անջելեսում կարող է ներկայացնել նոր պլանշետային համակարգիչներ, որոնք ի վիճակի են մրցակցել Apple ընկերության iPad-ների հետ: Այս մասին հաղորդում է ITAR-TASS-ը՝ վկայակոչելով բրիտանական ԶԼՄ-ներին:
Ըստ այդ տեղեկությունների՝ Microsoft-ը լրագրողներ է հրավիրել ղեկավարության հետ հանդիպմանը՝ չհայտնելով, թե ինչի մասին է լինելու խոսքը: Ենթադրվում է, որ կոնֆերանսի ընթացքում տեղի կունենա նորարարության շնորհանդեսը:
