Սաակաշվիլին կմեկնի Բաքու
Վրաստանի նախագահ Միխեիլ Սաակաշվիլին հունիսի 28-ին կայցելի Ադրբեջան: Այս մասին հայտարարել է նրա մամուլի խոսնակ Մանանա Մանջգալաձեն: Այցի ընթացքում նախատեսվում է հանդիպում Ադրբեջանի նախագահ Իլհամ Ալիևի հետ: Սաակաշվիլին հրավիրվել է մասնակցելու Բաքվում հունիսի 28-ից հուլիսի 1-ը կայանալիք Crans Montana ամենամյա ֆորումին, որին մասնակցելու հրավեր են ստացել նաև Մակեդոնիայի, Չեռնոգորիայի նախագահները և այլ պաշտոնյաներ: Ֆորումի քննարկման հիմնական թեման լինելու է Ադրբեջանի էներգետիկ դերը Արևելյան Եվրոպայում` Մերձավոր Արևելքում տիրող իրավիճակի համապատկերում:
