Սիրիայում հայազգի զինծառայողի սպանվելու փաստը ճշտվում է

Սիրիայում այսօր հայազգի զինծառայող է զոհվել։ 1992թ. ծնված Ջալալ Մելքունը զոհվել է Հոմս քաղաքի մոտակայքում։ Հայաստանի ԱԳՆ-ն տեղեկացնում է, որ զոհված հայազգի զինծառայողի մահվան մասին տեղեկությունները դեռ ճշտման փուլում են։ Արտգործնախարարությունից հայտնեցին նաև, որ վերջին մեկ տարվա ընթացքում Սիրիայում բախումների հետևանքով զոհված ազգությամբ հայ բնակիչների թիվը չի հասնում 1 տասնյակի։ Մինչ այս պահը նրանցից միայն մեկն է եղել սիրիական բանակի զինծառայող։