Նիկոլ Փաշինյանը հայտնում է, որ կադրային մի շարք նշանակումների վերաբերյալ քննարկումներն ավարտված են
ՀՀ նոր կառավարության ձևավորմանն ուղղված կադրային մի շարք նշանակումների վերաբերյալ քննարկումներն ավարտված են: Այդ մասին ֆեյսբուքյան իր էջում ուղիղ եթերում հայտարարեց ՀՀ վարչապետ Նիկոլ Փաշինյանը:
«Ժամը 23:00-ից կրկին եթեր կմտնեմ, կան մի քանի կարևոր հայտարարություններ: Կադրային մի շարք նշանակումների վերաբերյալ քննարկումներն ավարտված են, բայց դրա մասին տեղեկատվությունը հերթով կտրվի: Կարևորում եմ ձեր հետ կապը և երբեք չեմ մոռանում, որ այստեղ հայտնվել եմ ձեր լիազորության, ձեր շնորհիվ, հաշվետում եմ ձեր առաջ և համոզված եմ, որ լրջագույն արդյունքներ ենք ունենալու ու մենք պատվով ենք դուրս գալու ձեր վստահության տակից»,- դիմելով հանրությանը՝ հայտարարեց Նիկոլ Փաշինյանը:
Հայտնի է, որ ՀՀ ոստիկանության պետի պաշտոնում նշանակվել է Վալերի Օսիպյանը, իսկ Ազգային անվտանգության ծառայության տնօրենի պաշտոնում՝ Արթուր Վանեցյանը:
