«Ռեալն» այս ամառ չի վաճառի Բեյլին
«Ռեալը» չի պատրաստվում բաժանվել իր կիսապաշտպան Գարեթ Բեյլից, ում ցանկանում են ձեռք բերել ՊՍԺ-ն և «Մանչեսթեր Յունայթեդը»: Ըստ Marca-ի տեղեկության, մադրիդյան ակումբում 27-ամյա ուելսցին համարվում է անձեռնմխելի և մտնում է գլխավոր մարզիչ Զինեդին Զիդանի պլանների մեջ:
Բեյլը՝ ինքը, ով նախորդ մրցաշրջանի կեսը բաց է թողել վնասվածքների պատճառով, նույնպես չի պլանավորում փոխել ակումբը:
Ավելի վաղ հաղորդվել էր, որ «Ռեալը» պատրաստ է վաճառել Բեյլին՝ «Մոնակոյի» հարձակվող Կիլիան Մբապեին գնելու դեպքում: Բեյլի պայմանագիրը մադրիդցիների հետ նախատեսված է մինչև 2022 թվականը:
Պատրաստեց Անի Գաբուզյանը
