Թրամփի քայլերը բերում են Ռուսաստանի հաղթանակին. Օբամայի նախկին օգնական
![](https://168.am/wp-content/uploads/2017/04/tramp-1.jpg)
ԱՄՆ նախկին նախագահ Բարաք Օբամայի ազգային անվտանգության հարցերով նախկին օգնական Սյուզան Ռայսը հայտարարել է, որ ԱՄՆ գործող նախագահ Դոնալդ Թրամփի քաղաքական քայլերը նպաստում են Ռուսաստանի և Չինաստանի «հաղթանակին», բերում ամերիկյան համախարհային առաջնորդության կորստի: Այդ մասին հաղորդում է
New York Times թերթը:
«Հրեշավոր արագությամբ նա տանում է կործանման՝ մերժելով մեր հիմնական դաշնակիցներին, մերժելով ամերիկյան արժեքները և հրաժարվելով ԱՄՆ-ի՝ համաշխարհային առաջնորդությունից: Դա Ռուսաստանի և Չինաստանի համար մեծ հաղթանակ է»,-ասել է Ռայսը: Վերջինս նկատել է, որ Թրամփն ԱՄՆը դուրս է բերել Փարիզյան համաձայնագրից՝ երկիրը հակադրության մեջ դնելով ողջ աշխարհի հետ:
«Եվրոպան և Չինաստանը միասնական են Փարիզյան համաձայնագրի հարցում, այն դեպքում, երբ ԱՄՆ-ը մեկուսացվել է»,-ասել է Ռայսը: