Կարեն Կարապետյանը ցանկացել է հրաժարական ներկայացնել. «Ժամանակ»
«Ժամանակ» թերթը գրում է. «Իշխանությանը մոտ կանգնած աղբյուրները հայտնում են, որ վարչապետ Կարեն Կարապետյանն օրերս ցանկացել է հրաժարական ներկայացնել: Բանն այն է, որ նոր կառավարության անդամների նշանակման ամբողջ ժամանակահատվածում ինտրիգներ են խմորվել, ինչի պատճառով էլ գործադիրի մի շարք նախարարներ բավականին ուշ նշանակվեցին:
Բաղրամյան 26-ից ամեն կերպ փորձել են համոզել վարչապետին հետ կանգնել պաշտոնից հրաժարվելու որոշումից։ Մեր անանուն աղբյուրը տեղեկացրեց, որ Սերժ Սարգսյանին հաջողվել է համոզել: ՀՀԿ-ականներն անգամ սկսել են կատակել՝ թե եթե վարչապետը հանկարծ որոշի հրաժարական տալ, հո շաբաթը մի վարչապետի չենք կարող գովեստի խոսքեր ասել: Մեզ հասած տեղեկություններով՝ վարչապետի հետ այսպիսի խնդիր եղել է մեկ անգամ հունվարին և նախընտրական քարոզարշավի ժամանակ»:
Ամբողջությամբ կարող եք կարդալ «Ժամանակ» թերթի այսօրվա համարում։
