Ռուսաստանը Հայաստանի ռազմաբազան համալրել է մարտական ու տրանսպորտային ուղղաթիռներով
Ռուսաստանն ուժեղացրել է Հայաստանում գտնվող իր ռազմաբազան մարտական ու տրանսպորտային ուղղաթիռների խմբաքանակով՝ դրանք այդտեղ ուղարկելով Կուբանից, հայտնել է Հարավային ռազմական օկրուգի մամլո ծառայությունը: Այս մասին տեղեկացնում է RIA Novosti-ն:
«Ուղարկվել են Կրասնոդարի երկրամասի ռազմական օդանավակայանում գտնվող բանակային ավիացիայի 6 միավոր ժամանակակից մարտական-հարվածային «Մի-24Պ» և տրանսպորտային «Մի-8Տ» ուղղաթիռներ: Ներկայում Անդրկովկասում ռուսական միությունում ձևավորվել է ուղղաթիռային բանակային ավիացիա, կատարվում է ավիացիոն տրանսպորտային միջոցների հավաքումը»,- ասված է հաղորդագրության մեջ:
Այդ ուղղաթիռներով թռիչքները կսկսվեն 2016 թվականի առաջին եռամսյակում: Ուղղաթիռները շահագործումից առաջ օրհնվելու են սուրբ ջրով:
Երևանի Էրեբունիի օդանավակայանի ռուսական ավիաբազան ձևավորվել է դեռ 1995 թվականին:
