Տղամարդը փորձել է ինքնահրկիզվել Մոսկվայի Կարմիր հրապարակում
Տղամարդը փորձել է ինքնահրկիզվել Մոսկվայի Կարմիր հրապարակում, հայտնում է Interfax-ը՝ հղում կատարելով իրավապահ մարմինների աղբյուրին:
Նրա խոսքով՝ երեկ առավոտյան Կարմիր հրապարակում՝ Պատմության թանգարանի մոտ, տղամարդն իր վրա բենզին է լցրել ու փորձել է ինքնահրկիզվել:
Ոստիկանները հանգցրել են կրակը և շտապօգնություն են կանչել: Բժիշկները տուժածին հոսպիտալացրել են մարմնի 9% այրվածքներով:
Պարզվել է, որ տուժածը Տվերի բնակիչ է: Տղամարդու մոտ հայտնաբերվել է փաստաթուղթ, որը վկայում է, որ վերջինս անցել է հոգեբուժական փորձաքննություն հարուցված քրեական գործի շրջանակում:
