ԱՄՆ-ը Թայվանին ժամանակակից զենք կվաճառի, Չինաստանը վրդովված է
Թայվանը ԱՄՆ-ից կգնի 1,8 մլրդ դոլարի զենք: ԱՄՆ-ը Թայվանին կմատակակարի նաև երկու հրթիռային ֆրեգատ, զրահամեքենաներ, ինչպես նաև հակատանկային հրթիռներ ու «երկինք-երկիր» տիպի հրթիռներ, հայտնում է korrespondent.net-ը:
Վաշինգտոնը հայտարարում է, որ զենքի վաճառքն ուղղված է Թայվանի պաշտպանունակության ամրապնդմանը, ու դա ոչ մի կերպ չի փոխում ԱՄՆ-ի վերաբերմունքը Չինաստանի միասնականության նկատմամբ:
Պեկինը, սակայն, կտրականապես դեմ է հանդես գալիս Թայվանին զենք և ռազմական տեխնոլոգիաներ վաճառելուն՝ համարելով, որ դա իր նահանգն է:
Ամերիկյան կանոնների համաձայն՝ Վաշինգտոնը պարտավոր է Թայվանին զենք վաճառել, որը հարկավոր է ինքնապաշտպանության համար:
