Իրաքում առևանգել են քաթարցի 26 որսորդների
Անհայտ անձինք առևանգել են Քաթարի նվազագույնը 26 քաղաքացու Իրաքի տարածքում գտնվող անապատի որսորդական ճամբարից, հայտնում է BBC-ն՝ հղում կատարելով տեղի իշխանություններին ու ոստիկանությանը:
Դեպքը տեղի է ունեցել Սաուդյան Արաբիայի հետ սահմանի հարևանությամբ այսօր վաղ առավոտյան:
Զինված խումբը մարդկանց առևանգման համար օգտագործել է մի քանի պիկապ:
Էս-Սամավա քաղաքի ոստիկանությունը կատարում է որոնողական աշխատանքներ որսորդներին հայտնաբերելու ուղղությամբ:
