Ադրբեջանն ու Վրաստանը Չինաստանում կներկայացնեն իրենց տրանզիտային հնարավորությունները
Ադրբեջանն ու Վրաստանը մոտ ապագայում Չինաստանում կկատարեն տարածաշրջանի տրանզիտային հնարավորությունների շնորհանդեսը, հայտնում է Trend-ը՝ հղում կատարելով Ադրբեջանի էկոնոմիկայի և արդյունաբերության նախարար Շահին Մուստաֆաևին:
«Ադրբեջանով անցնող ճանապարհն ամենակարճ ուղին է Չինաստանի ու Եվրոպայի միջև: Չինական ապրանքները Ադրբեջանի տարածքով կարող են մատակարարվել Թուրքիա, այնտեղից էլ Եվրոպա»,- ասել է Մուստաֆաևը:
Նա նշել է, որ վերջերս Ադրբեջանի նախագահ Իլհամ Ալիևի Չինաստան կատարած այցի ժամանակ ստորագրվել է «Մետաքսի ճանապարհի տնտեսական գոտի» ստեղծելու վերաբերյալ հուշագիր:
