Հնդկաստանում ավտոբուսն ընկել է գետը, կան զոհեր
Հնդկաստանի Մադխյան-Պրադեշ նահանգում 15 մարդ է զոհվել ուղևորատար ավտոբուսի՝ կամրջից գետն ընկնելու հետևանքով: Այս մասին հայտնում է TASS-ը՝ հղում կատարելով ոստիկանությանը:
Դեպքի հետևանքով վնասվածք է ստացել ևս 25 մարդ:
Ավտոբուսն առավոտյան իրականացնում էր Ինդոր-Պարասիա երթուղին:
Ինչպես ենթադրում են իրավապահ մարմինները, վարորդը քնել է մեքենայի ղեկին: Դեպքի վայրում կատարվում են որոնողական աշխատանքներ: Չի բացառվում, որ զոհերի թիվը կարող է ավելանալ:
