Ազգությամբ հայ ՌԴ 19-ամյա քաղաքացին փորձել է ոտքով հատել հայ-թուրքական սահմանը
Շիրակի մարզի ընդհանուր իրավասության դատարան է ուղարկվել սահմանն ապօրինի հատելու փորձի դեպքով հարուցված քրեական գործը:
Ազգությամբ հայ, ՌԴ 19-ամյա քաղաքացուն մեղադրանք է առաջադրվել այն բանի համար, որ նա 2014թ. դեկտեմբերի 22-ին՝ ժամը 17:00-ի սահմաններում, փորձ է կատարել ՀՀ Շիրակի մարզի Ոսկեհասկ գյուղի մոտակայքում գտնվող «Ախուրիկ» զորամասի սահմանապահ ուղեկալի հատվածով, շրջանցելով սահմանային անցակետերը, ոտքով ապօրինի հատել Թուրքիայի հետ ՀՀ պահպանվող պետական սահմանը և անցնել Թուրքիայի տարածք, սակայն դա նրան չի հաջողվել նրա կամքից անկախ հանգամանքներով, քանի որ նշված վայրում բռնվել է ՀՀ-ում ՌԴ ԱԴԾ սահմանապահ ծառայողների կողմից:
Խափանման միջոց է ընտրվել հսկողության հանձնելը:
