Իրաքյան Քրդստանը խնդրել է Ռուսաստանին իր տարածքով հրթիռներ չարձակել
Իրաքյան Քրդստանի կառավարությունը խնդրել է Ռուսաստանին այլընտրանքային օդային տիրույթ գտնել Սիրիայում զինյալների դիրքերին հարվածներ հասցնելու համար, այլ ոչ թե հարվածներ հասցնել իր ինքնավարության տարածքով, քանի որ շրջանը կրում է տնտեսական կորուստներ:
Ինքնավարությունն իր աջակցությունն է հայտնել Ռուսաստանի ռազմական օպերացիային, որն ուղղված է ահաբեկիչների դեմ, սակայն նշում է, որ երկու օդանավակայանների անգործությունը շրջանի համար կորստաբեր է:
«Մենք պահանջում ենք ձեզնից գտնել այլընտրանքային օդային տիրույթ: Էրբիլի ու Սուլեյմանիեի օդանավակայանների աշխատանքների դադարեցումը դարձել է ևս մեկ տնտեսական ճգնաժամ շրջանի համար»,- ասվում է Sputnik գործակալության տրամադրության տակ հայտնված փաստաթղթում:
Հայտարարության մեջ նշվում է, որ Էրբիլ ու Սուլեյմանիե քաղաքների օդանավակայանները փակվել են ռուսական հրթիռների գործարկման պատճառով:
