Air France-ի ինքնաթիռը սպառնալիքների պատճառով արտակարգ վայրէջք է կատարել Կանադայում
Air France-ի ինքնաթիռը, որը թռիչք էր իրականացնում Սան Ֆրանցիսկոյից Փարիզ, ստիպված է եղել արտակարգ վայրէջք կատարել Մոնրեալում ինքնաթիռում եղած պայթուցիկ սարքի մասին անանուն սպառնալիքների պատճառով, հայտնում է BBC-ի ռուսական ծառայությունը՝ հղում կատարելով ավիաընկերությանը:
AF083 չվերթը հաջողությամբ վայրէջք է կատարել Մոնրեալում տեղի ժամանակով կեսգիշերի սահմաններում:
Ինչպես ասվում է ավիաընկերության հաղորդագրությունների մեջ, վայրէջքից հետո ինքնաթիռը պետք է ստուգվի անվտանգության ծառայությունների կողմից, կատարվելու է ուղևորների ուղեբեռի զննություն:
Ինչպես ընդգծել են Air France-ում, տեղի իշխանությունները կանցկացնեն հետաքննություն, որպեսզի պարզեն, թե ովքեր են եղել անանուն հաղորդագրության հեղինակները:
