Ավանի 01/16 ընտրատեղամասում խաղաղ քվեարկություն է ընթանում
Ավանի 01/16 ընտրատեղամասում քվեարկությունը բնականոն ընթացք է ունեցել: Ընտրատեղամասային հանձնաժողովի քարտուղար Սուրեն Սաֆարյանը 168.am-ի հետ զրույցում տեղեկացրեց, որ ընտրատեղամասում գրանցված 1937 ընտրողներից քվեարկությանը մասնակցել է 875-ը:
«Շատ լավ ընթացք է եղել, կարգին ընտրություններ են»,- ասաց հանձնաժողովի Հանրապետական կուսակցության ներկայացուցիչը: «Քաղաքացիական հասարակություն ինստիտուտ» հ/կ ներկայացուցիչը, ով դիտորդական առաքելություն է իրականացնում այս տեղամասում, մեզ հետ զրույցում հաստատեց հանձնաժողովի քարտուղարի պնդումները: «Այստեղ եմ 16:00-ից: Մինչ այս պահը որևէ միջադեպ ու խախտում չեմ նկատել»,- ասաց նա: Վերջինիս խոսքով՝ նույնիսկ կուտակումներ չեն եղել:
