Լիբիայում Մուամմար Քադաֆիի որդուն մահապատժի են դատապարտել
Լիբիայի մայրաքաղաք Տրիպոլիի Քրեական դատարանը այսօր մահվան դատավճիռ է կայացրել երկրի նախկին ղեկավար Մուամմար Քադաֆիի ռեժիմի 8 ներկայացուցիչների նկատմամբ, որոնց թվում է եղել Քադաֆիի որդին՝ Սեյֆ ալ-Իսլամը, հայտնում է «Ալ-Արաբիան»:
Մահվան դատապարտվածների թվում են Լիբիայի Ջամահիրիայի համար կարևոր այնպիսի անձինք, ինչպիսիք են երկրի նախկին վարչապետ Ալ-Բաղդադի ալ-Մահմուդին ու Լիբիայի հետախուզության ղեկավար Աբդալլա աս-Սինուսին Լիբիայի նախկին առաջնորդի որդին դատարանում ներկա չի գտնվել, նա մահվան է դատապարտվել հեռակա կարգով, քանի որ բանտարկված է Զինտան քաղաքի բանտում, որի զինված խմբավորումները հրաժարվել էին ենթարկվել Տրիպոլիի կառավարությանը:
Ալմաբրուկ Կարիրան՝ միջազգային հանրության կողմից ճանաչված նախարարների կաբինետի ղեկավարը, ով նստում է Տոբրուկում, նախօրեին հայտարարել է, որ դատն անօրինական է ու կոչ է արել միջազգային հանրությանը չճանաչել վերջինիս կայացրած վճիռները:
Դատապարտյալները մեղավոր են ճանաչվել 2011թ. փետրվարի 17-ին խաղաղ ցուցարարներին սպանելու ու կարտելային ջոկատներ ստեղծելու մեջ: Նրանք մեղադրվում են նաև կոռուպցիոն հանցագործություններ կատարելու մեջ:
