Արցախում արձանագրվել է օձի խայթոցի 11 դեպք
Ընթացիկ տարվա հուլիսի 15-ի դրությամբ Լեռնային Ղարաբաղի Հանրապետությունում արձանագրվել է օձի խայթոցի 11 դեպք, որից 4-ը երեխաներ են:
ԼՂՀ առողջապահության նախարարության մամլո ծառայության փոխանցմամբ՝ Մարտակերտի շրջանում արձանագրվել է 1 դեպք, Հադրութի շրջանում` 5, Քաշաթաղի՝ 1, Ասկերանի՝ 3 և Մարտունու շրջանում 1:
Նշենք, որ տուժածներից 9-ին ներարկվել է օձի հակաթույն /անտիգյուրզին/, իսկ 2-ի դեպքում չի ներարկվել, քանի որ կարիքը չի եղել: Ներկա պահին Ստեփանակերտի և շրջանային բուժհաստատություններում առկա է օձի հակաթույնի անհրաժեշտ քանակ:
