Եվրոպական խորհրդի նախագահ Դոնալդ Տուսկը հուլիսի 20-21-ը կայցելի Վրաստան
Եվրոպական խորհրդի նախագահ Դոնալդ Տուսկը հուլիսի 20-21-ը պաշտոնական այց կկատարի Վրաստան, հայտնում է newsgeorgia.ge-ն՝ հղում կատարելով Վրաստանի նախագահ Գեորգի Մարգվելաշվիլիի մամլո ծառայությանը:
Այցի շրջանակում Տուսկը ընդլայնված ձևաչափով կհանդիպի Վրաստանի նախագահի հետ, ինչից հետո տեղի կունենա նրանց համատեղ մամլո ասուլիսը Թբիլիսիի նախագահական նստավայրում:
Վրաստանի նախագահն ու Եվրոպական խորհրդի նախագահը հանդես կգան ուղերձով՝ դիմելով վրացի խաղաղարարներին, ովքեր ներկայում ԵՄ առաքելության շրջանակում ծառայում են Կենտրոնաաֆրիկյան Հանրապետությունում:
Տուսկի այցը Վրաստան նախատեսված էր հուլիսի 14-16-ին, սակայն հետաձգվել էր Հունաստանի ճգնաժամի պատճառով:
