«Այս տարի խոտը շատ համեղ էր». Նովակ Ջոկովիչ

Սերբը հայտարարեց, որ հաղթանակն Ուիմբլդոնում դա իր ամբողջ թիմի վաստակն է:

Կիրակի Ջոկովիչը 4 սեթում հաղթեց Ռոջեր Ֆեդերերին և պաշտպանեց Ուիմբլդոնի չեմպիոնի տիտղոսը:

«Առաջին հերթին ես կցանկանայի ասել, որ Ռոջեր Ֆեդերերի դեմ խաղալը մեծ առանձնաշնորհ է: Նա շատ բան է արել թենիսի աշխարհի համար: Իմ սերունդը մեծացել է նրա խաղերի վրա:

Հասկանում էի, որ Ֆեդերերը ցույց կտա իր լավագույն թենիսը, այնպես որ, աշխատում էի պայքարել յուրաքանչյուր միավորի համար: Փորձում էի նրա վրա առավելագույն ճնշում գործադրել: Տրամադրվել էի այդպիսի անզիջում խաղի, որովհետև դա աշխարհի գլխավոր մրցաշարի եզրափակիչն էր:

Եթե խոսենք հաղթանակից հետո խոտ ուտելու իմ ավանդույթի մասին, ապա այս տարի այն շատ համեղ էր: Մարդիկ, որոնք աշխատանք էին կատարել այդ կորտի վրա, գերազանց են կատարել իրենց գործը:

Անպայման կնշենք այս հաղթանակը Բորիս Բեկկեի հետ: Հնարավոր է, կխմենք մեկական գարեջուր կամ կտոնենք գինով: Մենք շատ լավ հասկանում ենք միմյանց: Կարող եմ ասել, որ այս գավաթը պատկանում է իմ ամբողջ թիմին»,- ասել է Ջոկովիչը:

Նովակ Ջոկովիչը հաղթեց Ուիմբլդոնը երրորդ անգամ:

Պատրաստեց Անի Գաբուզյանը