«Մադրիդի սուրբը» հեռանում է մադրիդյան ակումբից

Իսպանական Marca պարբերականը գրեթե համոզված է, որ մի քանի ժամվա ընթացքում պաշտոնապես կհայտարարվի այն մասին, որ Իկեր Կասիլիասը հեռանում է մադրիդյան ակումբից: «Ռեալ Մադրիդն» ու «Պորտուն» վերջնական համաձայնության են եկել Իկեր Կասիլիասի տեղափոխության հարցով։

Եթե այս նորությունը մոտ օրերս հաստատվի, ապա ուրբաթ օրը «Սանտյագո Բեռնաբեուում» հատուկ միջոցառում կկազմակերպվի ակումբի լեգենդար ավագին հրաժեշտ տալու համար։

Մադրիդյան ակումբի գլխավոր թիմում Կասիլիասը գրեթե անփոփոխ տեղ ունի արդեն 15 տարի:

Լուրը դեռ պաշտոնապես չի հաստատվել, բայց սոցիալական ցանցերում արդեն Կասիլիասի անունով բազմաթիվ հաշթեգեր են տարածվում: Բովանդակային առումով դրանք գրեթե նույնն են: Երկրպագուները շնորհակալություն են հայտնում Մադրիդի սուրբ Կասիլիասին՝ ակումբի համար հավատարիմ ավագ լինելու համար:

Սիրարփի Աղաբաբյան