Վալերի Օսիպյանը հորդորեց լսել ու զբաղվել քաղաքացիների խնդրով
Այսօր ՀՀ կառավարության շենքի առջև բողոքի էին հավաքվել պետական շահի համար իրենց տներից տեղահանված քաղաքացինեը: Նրանք բողոքում էին, որ արդեն 8-10 տարի՝ իրենց խնդիրը չի լուծվում, ոչ մի առաջընթաց չկա:
Ցուցարարները փակեցին Տիգրան Մեծ փողոցի սկզբնամասը, սակայն ոստիկանները բռնի ուժով բացեցին փողոցը: Երևանի փոխոստիկանապետ Վալերի Օսիպյանից քաղաքացիները պահանջում են լուծել իրենց հարցը:
Վ. Օսիպյանը մոտեցավ ՀՀ կառավարության աշխատակազմի դիմումների և նամակների բաժնի պետ Ալեքսանդր Ղազարյանին և հորդորեց նրան լսել ու զբաղվել քաղաքացիների խնդրով:
