«Գիտեք չէ՞` ինչ կլիներ նման իրավիճակում որևէ ընդդիմադիր ուժի հետ…». Վարազդատ Հարությունյան
«Հինգ իրավապաշտպանների նախաձեռնության» անդամ, փաստաբան Վարազդատ Հարությունյանը ֆեյսբուքյան իր էջում գրել է. «Արդեն 2-րդ օրն է, ինչ Արման Թաթոյանը հրապարակել է Արմավիրի մարզի ուսումնական հաստատություններից մեկում տեղի ունեցած «հավաքին մասնակցելուն հարկադրելու» ենթադրյալ հանցագործության մասին վկայող դետալացված ձայնագրությունը:
Որևէ պրեսս-ռելիզ (որում քպ-ի անունը կշոշափեն, այնպես ինչպես նման ռելիզներում շոշափում են «Ուժեղ Հայաստանի» անունը), որևէ քրեական վարույթ, մեղադրանք, էլ չեմ ասում` անազատության հետ կապված խափանման միջոցի միջնորդության մասին որևէ բան չկա:
Գիտեք չէ՞` ինչ կլիներ նման իրավիճակում որևէ ընդդիմադիր ուժի հետ…
Ազատ, թափանցիկ և հավասար մրցակցային ընտրություններն այս տեսքն ունե՞ն:
Հ.Գ. Գնահատելի է, որ «Միասնության Թևերը», փաստորեն, դեռ շաբաթներ առաջ գործարկել են նման տեղեկատվություն հավաքագրելու թեժ գիծ: Խելքով աշխատանքը միշտ արդյունք է տալիս»:
