Զապորոժիեի ԱԷԿ-ի աշխատակիցներ են վիրավորվել
Զապորոժիեի ԱԷԿ-ի երկու աշխատակիցներ վիրավորվել են կայանից հարյուր մետր հեռավորության վրա՝ Ուկրաինայի զինված ուժերի դրոնների հարձակման ժամանակ, հայտնել են ատոմակայանից։
«Ուկրաինայի զինված ուժերի անօդաչու թռչող սարքերի հարձակման հետևանքով՝ Զապորոժիեի ԱԷԿ-ի հարակից տարածքի վրա, կայանի պարագծից մոտ 100 մետր հեռավորության վրա վիրավորվել են երկու աշխատակիցներ, որոնք մեքենայով տեղաշարժվում էին իրենց ծառայողական պարտականությունները կատարելիս», — նշված է կայանի Telegram-ալիքում։
ԱԷԿ-ի ներկայացուցիչների խոսքով՝ վիրավոր աշխատակիցները տեղափոխվել են բուժմաս, որտեղ նրանց ցուցաբերվում է բժշկական օգնություն։ Նրանց վիճակը հստակեցվում է։
