Opta սուպերհամակարգիչը անվանել է Չեմպիոնների լիգայի եզրափակչի ֆավորիտին

Սուպերհամակարգիչ Opta Analyst-ը թարմացրել է ՈւԵՖԱ-ի Չեմպիոնների լիգայի 2025/2026 մրցաշրջանի հաղթողի կանխատեսումը՝ կիսաեզրափակիչ փուլից հետո։ Աղբյուրի տվյալներով՝ գլխավոր ֆավորիտը լոնդոնյան «Արսենալն» է, որը կարող է պատմության մեջ առաջին անգամ նվաճել մրցաշարի տիտղոսը։

Opta Analyst-ի՝ մայիսի 7-ի կանխատեսմամբ՝ հաղթելու հավանականությունները հետևյալն են․

• «Արսենալ» – 55,76%
• «Պարի Սեն-Ժերմեն» – 44,24%

Չեմպիոնների լիգայի կիսաեզրափակիչում «Արսենալը» հաղթահարել էր «Ատլետիկո Մադրիդի» արգելքը (1:1, 1:0), իսկ ՊՍԺ-ն երկու խաղերի արդյունքում առավելության էր հասել «Բավարիայի» նկատմամբ (5:4, 1:1)։

Գլխավոր եվրագավաթի եզրափակիչը կկայանա մայիսի 30-ին՝ Բուդապեշտում։ Փարիզյան ակումբը մրցաշարի գործող չեմպիոնն է, իսկ «Արսենալը» նախորդ մրցաշրջանում հասել էր կիսաեզրափակիչ, որտեղ պարտվել էր ապագա գավաթակրին։