Պուտինը մաքսային մարմիններին թույլատրել է խոցել անօդաչուները
Ռուսաստանի նախագահ Վլադիմիր Պուտինը ստորագրել է օրենք, որը մաքսային մարմիններին լիազորում է հակազդել անօդաչու թռչող սարքերին։ Փաստաթուղթը հրապարակվել է իրավական տեղեկատվության պաշտոնական պորտալում։ Այժմ մաքսավորները կկարողանան կասեցնել դրոնների աշխատանքը գերատեսչության օբյեկտների վրա հարձակման կամ հարձակման սպառնալիքի դեպքում, հաղորդում է «Коммерсантъ»-ը։
Մաքսային ծառայության աշխատակիցներին թույլատրվում է ճնշել կամ փոխակերպել անօդաչուների հեռավար կառավարման ազդանշանները, ազդեցություն գործել կառավարման վահանակների վրա, ինչպես նաև վնասել և ոչնչացնել հենց սարքերը։ Խոսքը վերաբերում է ցանկացած ավտոմատացված անօդաչու համալիրների՝ օդային, ստորջրյա, վերգետնյա, ինչպես նաև անօդաչու տրանսպորտային միջոցների մասին։
Որոշումների ընդունման կարգը և լիազորված պաշտոնատար անձանց ցանկը կսահմանի մաքսային գործի ոլորտում դաշնային գործադիր իշխանության մարմինը։ Օրենքը ուժի մեջ է մտնում պաշտոնական հրապարակումից 30 օր անց։
