ԵՄ-ում չեն հասկանում, թե ինչու Կիևը չի թույլատրում «Դրուժբայի» ստուգումը
ԵՄ-ում չեն հասկանում, թե ինչու է Ուկրաինան խոչընդոտում «Դրուժբա» նավթատարի ստուգմանը: Այս մասին հաղորդում է Euractiv-ը՝ հղում անելով աղբյուրներին։
««Անհիմն», «հանելուկային» և «անհասկանալի» բառերը դիվանագիտական շրջանակներում օգտագործվում են Կիևի կողմից խողովակաշարը ստուգող խմբի աշխատանքը խոչընդոտելու նկարագրման համար»,- նշվում է հրապարակման մեջ։
Դաշինքը չի հասկանում, թե ինչպիսի խաղ է խաղում Ուկրաինան, ասել է դիվանագետը, ում ինքնությունը չի բացահայտվում:
Հունվարի վերջին Կիևը դադարեցրեց «Դրուժբա» խողովակաշարով վառելիք մատակարարել Սլովակիա և Հունգարիա՝ վկայակոչելով Ռուսաստանի ենթադրյալ հարվածների հետևանքով առաջացած վնասը: Բուդապեշտն ու Բրատիսլավան պնդում են, որ «Դրուժբան» գործում է, և որ էներգակիրների փոխադրման դադարեցումը Ուկրաինայի քաղաքական որոշումն է: Ըստ լրատվամիջոցների հաղորդագրությունների, եվրոպացի փորձագետները մարտի 18-ին ժամանել են Կիև՝ խողովակաշարը ստուգելու համար, սակայն օբյեկտին հասանելիություն նրանք այդպես էլ չեն ստացել:
