Իսրայելի զինվորականները կասկածանքով են վերաբերվում Իրանում ռեժիմի փոփոխությանը. լրատվամիջոցներ
Իսրայելի զինվորական պաշտոնյաները գնալով ավելի կասկածամտորեն են վերաբերվում Իրանում ռեժիմի փոփոխության գաղափարին, հաղորդում է Financial Times-ը՝ հղում անելով իրազեկ աղբյուրներին։
«Իսրայելցի զինվորականները գնալով ավելի կասկածամտորեն են վերաբերվում Իրանում առաջիկա շաբաթներին ռեժիմի փոփոխության հնարավորությանը»,- նշվում է հրապարակման մեջ։
Թերթի աղբյուրների փոխանցմամբ՝ ռազմական հետախուզության շրջանակներում գերիշխող տեսակետն այն է, որ Իրանի դեմ ռազմական գործողությունը չկարողացավ ստեղծել պայմաններ երկրում մոտ ապագայում իշխանափոխության համար։
Աղբյուրները նաև հայտնել են, որ հաշվի առնելով ԱՄՆ կառավարության ցանկությունը՝ աստիճանաբար դադարեցնել ռազմական գործողությունները տարածաշրջանում, Իսրայելի ռազմաօդային ուժերը առաջնահերթություն են տալիս ռազմական թիրախներին հարվածելուն, այլ ոչ թե այն օբյեկտներին, որոնք ենթադրաբար կարող են անկայունացնել կառավարությունը։
