Արա Ֆիդանյանը կհամակարգի Եվրոպոլի հետ ՀՀ իրավապահ համակարգի կապը
Ներքին գործերի նախարարության գլխավոր քարտուղար Արա Ֆիդանյանը ՀՀ վարչապետի որոշմամբ ազատվել է զբաղեցրած պաշտոնից և մեկ այլ որոշմամբ՝ նշանակվել Նիդերլանդների Թագավորությունում Հայաստանի Հանրապետության դեսպանությանը կից Հայաստանի Հանրապետության կապի ներկայացուցիչ (կապի սպա)։
Այդ մասին տեղեկացնում է «Արմենպրես»-ը՝ վկայակոչելով ՀՀ ՆԳ նախարարության ֆեյսբուքյան էջում զետեղված հաղորդագրությունը։ Արա Ֆիդանյանը նոր պաշտոնում համակարգելու է Եվրոպոլի հետ իրավապահ համակարգի կապը։
«Եվրոպոլում ՆԳՆ կապի սպայի գործունեությունը կխթանի ՀՀ-ԵՄ իրավապահ համագործակցությունը»,- ասված է հաղորդագրության մեջ։
