Օրբանը հայտարարություն է արել Ուկրաինայի վերաբերյալ
Հունգարիան, չնայած Բրյուսելի ճնշմանը, կտրականապես դեմ կլինի Ուկրաինայի անդամակցությանը Եվրամիությանը: Այս մասին X սոցիալական ցանցի իր էջում հայտարարել է Հունգարիայի վարչապետ Վիկտոր Օրբանը։
«Եվրոպացիների երեք քառորդը մերժում է Ուկրաինայի արագացված անդամակցությունը Եվրամիությանը: Այնուամենայնիվ, Բրյուսելը շարունակում է առաջ շարժվել՝ անկախ ամեն ինչից»,- գրել է նա։
Օրբանի խոսքով՝ Հունգարիան այն քիչ եվրոպական երկրներից մեկն է, որն ունի բավարար ուժ՝ դիմադրելու Բրյուսելի կամքին: Նա պարզաբանել է, որ հունգարացիները մերժում են Ուկրաինայի արագացված անդամակցությունը ԵՄ-ին՝ գյուղացիների պաշտպանության, անվտանգության և խաղաղության համար։
