ԵԽԽՎ վեհաժողովը Թուրքիային կոչ է անում անհապաղ ազատ արձակել Ստամբուլի կալանավորված քաղաքապետին
«Թուրքիան այսօր» լրատվական ալիքը գրում է. «Եվրոպայի խորհրդի խորհրդարանական վեհաժողովը (ԵԽԽՎ) Թուրքիային կոչ է անում անհապաղ ազատ արձակել Ստամբուլի կալանավորված քաղաքապետ Էքրեմ Իմամօղլուին»:
Էքրեմ Իմամօղլուն համարվում էր Թուրքիայի նախագահ Ռեջեփ Թայիփ Էրդողանի գլխավոր մրցակիցը 2027 թվականին կայանալիք ընտրություններում։ Human Rights Watch իրավապաշտպան կազմակերպությունը նրա գործն անվանել է «քաղաքական դրդապատճառներով հետաքննությունների» օրինակ։
