Իսրայելը կենտրոնացած է 2 խնդրի վրա. Իսրայելը թույլ չի տա Պաղեստին պետության ստեղծումը. Նեթանյահու
Իսրայելը կենտրոնացած է 2 խնդրի վրա՝ ՀԱՄԱՍ-ի զինաթափումը և Գազայի ապառազմականացումը․ հայտարարել է Իսրայելի վարչապետ Բենիամին Նեթանյահուն։
Նրա խոսքով՝՝ դա տեղի կունենա կա՛մ «հեշտ», կա՛մ «բարդ» ճանապարհով։
«Հիմա մենք կենտրոնացած ենք մնացած երկու խնդիրների կատարման վրա՝ Համասի զինաթափման և Գազայի զենքերից ու թունելներից ապառազմականացման վրա», – ասել է Նեթանյահուն հեռուստատեսությամբ հեռարձակվող մամուլի ասուլիսի ժամանակ։
Նա նաև հայտարարել է որ Իսրայելը թույլ չի տա Պաղեստին պետության ստեղծումը Գազայի հատվածում, և տարածաշրջանի վերակառուցումը չի սկսվի՝ մինչև արմատական իսլամիստական ՀԱՄԱՍ շարժումը չապառազմականացվի և լիովին չզինաթափվի։
«Ես արդեն լսում եմ հայտարարություններ, որ մենք թույլ կտանք Գազայի վերակառուցում ապառազմականացումից առաջ։ Դա տեղի չի ունենա։ Ես լսել եմ, որ մենք պատրաստվում ենք թուրք և կատարցի զինվորների տեղափոխել Գազա։ Դա նույնպես տեղի չի ունենա։ Ես լսում եմ, որ ես թույլ կտամ Պաղեստին պետության ստեղծումը Գազայում։ Դա տեղի չի ունեցել և տեղի չի ունենա»,- հայտարարել է Նեթանյահուն։
