ԱՄՆ զինված ուժերի Կենտրոնական հրամանատարության ղեկավարը ժամանել է Իսրայել
ԱՄՆ ԶՈւ Կենտրոնական հրամանատարության (CENTCOM) ղեկավար, փոխծովակալ Բրեդ Քուփերը հունվարի 24-ին չհայտարարված այցով ժամանել է Իսրայել։ Այս մասին հայտնում է The Times of Israel-ը։
Ըստ Ynet կայքի, Մերձավոր Արևելքում ամերիկյան ուժերի կուտակման և Իրանին հնարավոր հարվածի խորապատկերում Քուփերը կհանդիպի Իսրայելի բարձրաստիճան պաշտոնյաների հետ։
Նախատեսվում է, որ ամերիկացի ծովակալը կհանդիպի Իսրայելի պաշտպանության բանակի շտաբի պետի և բարձրաստիճան այլ պաշտոնյաների հետ։
