ԱՄՆ պետքարտուղարն ու Բայրամովը քննարկել են նաև «ՀՀ-Ադրբեջան կարգավորման գործընթացն» ու «Թրամփի երթուղին»
Այսօր տեղի է ունեցել ԱՄՆ պետքարտուղար Մարկո Ռուբիոյի և Ադրբեջանի արտաքին գործերի նախարար Ջեյհուն Բայրամովի հեռախոսազրույցը։ Ըստ լրատվամիջոցների՝ քննարկվել են Ադրբեջանի և ԱՄՆ-ի միջև երկկողմ համագործակցության զարգացման ներկա վիճակը և հեռանկարները, ինչպես նաև՝ տարածաշրջանային իրավիճակը և հայ-ադրբեջանական հարաբերությունների կարգավորման գործընթացը։
Բարձր է գնահատվել երկկողմ շփումների և քննարկումների ակտիվացումը՝ ուղղված ռազմավարական գործընկերության խարտիայի պատրաստմանը, որը տեղի էր ունեցել օգոստոսի 8-ին Վաշինգտոնում կայացած խաղաղության գագաթնաժողովից հետո։ Կողմերը հույս են հայտնել փաստաթղթի նախագծի համաձայնեցման և ստորագրման վերաբերյալ հնարավորինս շուտ։ Ընդգծվել է, որ այս ոլորտում առաջնահերթությունների սահմանումը լրացուցիչ խթան կհաղորդի երկու երկրների միջև հարաբերությունների զարգացմանը։
Բայրամովը ներկայացրել Ադրբեջանի դիրքորոշումը Ադրբեջանի և Հայաստանի միջև հարաբերությունների կարգավորման և խաղաղության գործընթացի հեռանկարների վերաբերյալ։ Բարձր է գնահատվել Ադրբեջանի և Հայաստանի միջև հարաբերությունների կարգավորման ուղղությամբ ձեռնարկված քայլերը, ինչպես նաև վստահության ամրապնդման միջոցառումները: Նշվել է «Թրամփի ուղի միջազգային խաղաղության և բարգավաճման համար» (TRIPP) նախաձեռնության իրականացման ուղղությամբ շարունակական աշխատանքների կարևորությունը։
Զրուցակիցները մտքեր են փոխանակել նաև մի շարք այլ հարցերի շուրջ։
