FT. Մեծ Բրիտանիան պետք է 1 միլիարդ դոլարով ավելացնի պաշտպանության ծախսերը՝ ՆԱՏՕ-ի նպատակներին հասնելու համար
Ֆինանսական Թայմսը, հղում անելով EY (Ernst & Young) գլոբալ մասնագիտական ծառայությունների ցանցի ռազմավարական խորհրդատվական EY-Parthenon մասնաճյուղին, հաղորդում է, որ Մեծ Բրիտանիան մինչև 2040 թվականը պաշտպանության վրա պետք է լրացուցիչ 800 միլիարդ ֆունտ ստեռլինգ (ավելի քան 1 միլիարդ դոլար) ծախսի՝ ՆԱՏՕ-ի հետ կապված իր պարտավորությունները կատարելու համար։
Թերթի տվյալներով՝ Մեծ Բրիտանիայի կառավարությունը պետք է «ավելի քան 800 միլիարդ ֆունտ ստեռլինգ հավաքագրի պաշտպանական նախագծերի և ավելի լայն ռազմավարական ենթակառուցվածքների համար հաջորդ 15 տարիների ընթացքում՝ [ԱՄՆ նախագահ] Դոնալդ Թրամփի ճնշումներից հետո սահմանված ՆԱՏՕ-ի հետ կապված հավակնոտ նպատակներին հասնելու համար»։
Հունիսին Հաագայում կայացած ՆԱՏՕ-ի գագաթնաժողովում որոշում կայացվեց մինչև 2034 թվականը Եվրոպայի ռազմական ծախսերը հասցնել ՀՆԱ-ի 5%-ին։
Պաշտպանության պորտֆելը կներառի նոր զորանոցների կառուցումը, նոր ինքնավար համակարգերի մշակումը, զինամթերքի գործարանների ընդլայնումը և ռազմածովային բազաների վրա ծախսերը։ Ռազմական շարժունակությունը, մատակարարման շղթաների դիմադրողականությունը և ռազմավարական կարևոր տեխնոլոգիաների ներդրումը բարելավելու համար անհրաժեշտ կլինեն լրացուցիչ ներդրումներ ճանապարհային և երկաթուղային շինարարության մեջ։
«Նոր պաշտպանական առաջնահերթությունները փոխում են երկրի ֆինանսական օրակարգը», – ասել է Մեծ Բրիտանիայում EY ընկերության մակրոտնտեսագիտության և աշխարհառազմավարության ղեկավար Մաթս Պերսոնը։ Նա հավելել է, որ թագավորությունը հաջորդ 15 տարիների ընթացքում կբախվի ֆինանսավորման աճող կարիքների՝ էներգետիկայի, ենթակառուցվածքների, առողջապահության և պաշտպանության ոլորտներում «միանվագ վերափոխումների» պատճառով։
