«Սա մի տեսակ թեստ է յուրաքանչյուր հայի համար՝ նա մա՞րդ է, թե՞ զուրկ պատվից, խղճից, հիշողությունից…». Արման Աբովյան
Արման Աբովյանը ֆեյսբուքան իր էջում գրում է. «Երևան է ժամանել ադրբեջանական բենզինի առաջին խմբաքանակը։ Մինչ այդ էլ Ադրբեջանի տարածքով Հայաստան էր ներմուծվել հացահատիկ։
Դուք հասկանո՞ւմ եք, որ սա խաղաղություն չէ․ սա ընդամենը ներկայիս հայկական իշխանությունների և նրանց թուրք-ադրբեջանական «եղբայրների» համատեղ PR-ակցիան է։
Սակայն զգացմունքները մի կողմ դնելով՝ պարզապես արձանագրենք հետևյալը․ սա մի տեսակ թեստ է յուրաքանչյուր հայի համար՝ նա մա՞րդ է, թե՞ զուրկ պատվից, խղճից, հիշողությունից ու բանականությունից անասուն։
Եվ այո՛, նայեք այս լուսանկարին․ այս պահին մենք հենց այդպես էլ երևում ենք»։
