Թուրքիայում կրկին երկրաշարժ է տեղի ունեցել
NTV-ի հաղորդմամբ՝ Թուրքիայում տեղի է ունեցել 5.4 մագնիտուդով երկրաշարժ։
Ցնցումները գրանցվել են Անթալիայի նահանգում տեղական ժամանակով ժամը 13:21-ին և զգացվել են հարևան տարածքներում։
Երկրաշարժը տեղի է ունեցել 28.25 կիլոմետր խորության վրա։
Երկրաշարժի հետևանքների մասին որևէ տեղեկություն չի հրապարակվել։ Հայտնի է միայն, որ երկրաշարժը խուճապ է առաջացրել բնակիչների շրջանում։
Ավելի վաղ հաղորդվել էր, որ 4,6 մագնիտուդ ուժգնությամբ երկրաշարժ է տեղի ունեցել Վան նահանգում:
