Թուրքիան 13 տարի անց Դամասկոսում դեսպան է նշանակել
Թուրքիայի փոխարտգործնախարար Նուհ Յըլմազը կդառնա Սիրիայում Հանրապետության արտակարգ և լիազոր դեսպանը։ Նրա նշանակման մասին, վկայակոչելով ԱԳ նախարար Հաքան Ֆիդանին, հայտնել է NTV հեռուստաալիքը, փոխանցում է ՏԱՍՍ-ը։
Յըլմազը կդառնա Թուրքիայի առաջին դեսպանը Սիրիայում վերջին 13 տարվա ընթացքում։
2012-ի մարտին Դամասկոսում թուրքական դեսպանատունը փակվեց և վերսկսեց գործունեությունը միայն անցյալ տարվա դեկտեմբերին, երբ Սիրիայում իշխանությունը փոխվեց:
Այդ ժամանակ Սիրիայում Թուրքիայի գործերի ժամանակավոր հավատարմատար էր նշանակվել Բուրհան Քյորօղլուն։
