Փարիզում ցույց է տեղի ունեցել Մակրոնի հրաժարականի և Ֆրանսիայի՝ ԵՄ-ից ու ՆԱՏՕ-ից դուրս գալու պահանջով
Ֆրանսիայի նախագահ Էմանուել Մակրոնի հրաժարականը և երկրի դուրս գալը Եվրամիությունից ու ՆԱՏՕ-ից պահանջող ցույց է տեղի ունեցել Փարիզի կենտրոնում, հաղորդում է TASS-ի թղթակիցը։
Ցուցարարները Ֆրանսիայի մայրաքաղաքի 6-րդ թաղամասի Մոնպառնաս այգուց երթով շարժվել են դեպի Լուվր։ Ցուցարարները վանկարկել են. «Մակրոն, հեռացիր», «Քվեարկիր Լեկորնուի օգտին» և «Դուրս արի ԵՄ-ից»։
«Այժմ կառավարությունները նշանակվում են կարճ ժամանակահատվածներով։ Իսկապես լուրջն այն է, որ կաբինետը նշանակվում է միայն բյուջեն Նախարարների խորհրդով անցկացնելու համար», – TASS-ի թղթակցին ասել է «Հայրենասերներ» կուսակցության առաջնորդ և ցույցի կազմակերպիչ Ֆլորիան Ֆիլիպոն։
Նրա խոսքով՝ «տեղի ունեցողի մեջ ժողովրդավարության նշույլ անգամ չկա»։ «Երկիրը լիակատար քաոսի մեջ է։ Վարչապետները փոխարինվում են մեկը մյուսի հետևից», – ընդգծել է Ֆիլիպոն։ Նա կարծիք է հայտնել, որ «նախագահը պետք է հրաժարական տա»։
