Կատարը փորձում է հանդես գալ որպես միջնորդ ԱՄՆ-ի և Վենեսուելայի միջև. NYT
Կատարը ցանկանում է որպես միջնորդ հանդես գալ Միացյալ Նահանդների և Վենեսուելայի միջև հարաբերությունների կարգավորման հացում:
The New York Times պարբերականի աղբյուրները հայտնել են, որ Վենեսուելայի իշխանությունները հավանություն են տալիս Կատարի ջանքերին, սակայն ԱՄՆ վարչակազմին ավելի շատ հետաքրքրում են ռազմական մեթոդները, այլ ոչ թե դիվանագիտությունը:
ԱՄՆ բարձրաստիճան զինվորական պաշտոնյայի տեղեկությամբ՝ Պենտագոնը 10 հազար զինվորական է ուղարկել Կարիբյան ավազան: Նրանց մեծ մասը տեղակայված է Պուերտո Ռիկոյի ռազմակայաններում: Դոհան, այնուամենայնիվ, փորձում է բաց պահել Վաշինգտոնի և Կարակասի միջև կապի ուղիները:
Ավելի վաղ The New York Times-ը հաղորդել է, որ ԱՄՆ նախագահ Դոնալդ Թրամփը հրաման է տվել իր վարչակազմին դադարեցնել Վենեսուելայի հետ լարվածության դիվանագիտական կարգավորման հասնելու բոլոր փորձերը:
Վաշինգտոնը Վենեսուելայի իշխանություններին մեղադրում է թմրանյութերի մաքսանենգության դեմ ոչ բավարար պայքարի մեջ: ԱՄՆ ռազմածովային ուժերը Կարիբյան ծովի միջազգային ջրերում արդեն ոչնչացրել են առնվազն չորս արագընթաց նավակներ՝ այնտեղ գտնվող մարդկանցով, որոնք մեղադրվել են Վենեսուելայից թմրանյութերի փոխադրման մեջ:
Սեպտեմբերի 23-ին ՄԱԿ-ի Գլխավոր ասամբլեայի 80-րդ նստաշրջանի ելույթում Թրամփը հայտարարել է, որ զինված ուժերը կշարունակեն գրոհել այն նավերի վրա, որոնք, իրենց կարծիքով, կապված են Մադուրոյի գլխավորած վենեսուելական թմրակարտելների հետ:
