Մեծ Յոթնյակի երկրները կարող են մինչև 50 միլիարդ դոլար հատկացնել Ուկրաինային. ԱՄՆ ֆինանսների նախարար
ԱՄՆ ֆինանսների նախարար Ջանեթ Յելենը հայտարարել է, որ G7-ի երկրները կարող են աջակցել Ուկրաինային մինչև 50 միլիարդ դոլարի չափով՝ օգտագործելով ռուսական առգրավված ակտիվներին առնչվող վարկերը։
Sky News-ին տված հարցազրույցում նախարարը Մեծ Յոթնյակի երկրների օգնությանն անդրադառնալով, Ուկրաինային աջակցելու համար կարևորել է առաջիկա մի քանի տարիների ընթացքում միասնական ճակատ ցույց տալու անհրաժեշտությունը:
Նա հույս է հայտնել, որ անհրաժեշտության դեպքում Կոնգրեսը կընդունի Ուկրաինային օգնելուն ուղղված ապագա փաթեթները: Հարցին՝ հնարավո՞ր է արդյոք 40-50 միլիարդ դոլարի վարկ տրամադրել, ԱՄՆ ֆինանսների նախարարը դրական է պատասխանել:
