Արցախի անկախության տոնի առիթով կատարվել է Հանրապետական մաղթանք
Սեպտեմբերի 3-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի հանդիսապետությամբ Սուրբ Գայանե վանքում, հընթացս Պատարագի սրբազան արարողության, կատարվեց Հանրապետական մաղթանք Արցախի անկախության տոնի առիթով։ Հայտնել է Մայր Աթոռի տեղեկատվական համակարգը։
Հոգևորականաց դասն ու հավատացյալ ժողովուրդը միասնական աղոթք են բարձրացրել առ Բարեգութն Աստված Արցախի պետականության և ժողովրդի խաղաղ ու անվտանգ կյանքի համար։
